ZALEN July 3, 2024; ZPM sawrkar chungchang a sawi/tihchhuah ang a social media lam a thu thehdarh chungchangah M. Lalmanzuala, IAS (Rtd) in legal action lak a tum.

M. Lalmanzuala sawi/tihchhuah nia social media a thu vawrhdarh chu hei hi a ni :

"Zoramin kan tihsual lian ber chu ZPM sawrkar kan lo enchhin hi a ni.

Anmahni pawh hian an lal rei dawn lo tih an inhrechiang a, an hotu lian zawng zawngte hlawh uchuak takin an insiam ta reng a nih hi."

• Lalmanzuala IAS (Rtd)

Hemi chungchangah hian M. Lalmanzuala chuan, Zuala Chhangte wall ah a rawn chhuak tih tarlangin, whatsapp group hrang hrangah pawh a darh viau tawh nia a hriat thu a tarlang.

"Hetiang thu hi ka sawi emaw, ka tih chhuah emaw ka hre lo a, a tidarhtute hian khawi atanga an hmuh nge rawn sawi turin ka phut a, rawn sawi thei an awm loh chuan legal action lak ka tum dawn a ni tih ka puang e," tiin a tarlang bawk.