DOWNLOAD OUR APP

Read latest news on your phone
app-store
Lei 2 dawh mek tlawh
Dec 05, 2021

Aizawl: Aizawl E-II Bialtu MLA leh Minister ni bawk Robert Romawia Royte chuan a bial chhung Tuithiang Veng, Saron Veng leh Chhinga Veng inkalpawhna tur Lei dawh mek chu a tlawh a, he lei dawhtu PWD-te sawi danin he lei sei zawng hi Metre 74.5 niin motor kawng zauh zawng (a vang) metre 5 a ni thung a. A lei sir tawn tawnah metre 1 ve vea zauvin kea kalna kawng (pedestrian footpath) metre 74.5-a sei ve ve siam a ni bawk.

Minister Robert Romawia Royte chuan Aizawl chhuahlam veng hrang hrangten an hman tangkai tur a bial chhunga lei thar dawh mek a ni ta chu lawmawm a tih thu sawiin, "CM leh PWD Minister ni bawk Zoramthanga'n inkalpawhna a veizia tilangtu a ni," a ti a. Covid avangin harsatna chu awm bawk mahse, hna chak taka PWD-te leh Contractor-ten an thawk chu lawmawm a tih thu a sawi a. Bial pum tan leh Aizawl khawpui tan pawh rotling a nih dawn avangin uluk leh tha taka thawk turin PWD Engineer-te leh Contractor-te chu a fuih a ni. 

Tuithiang Veng a tlawh zawhah Minister Robert Romawia hian Armed Veng tlawh lehin, Thlanmuala kawng chhe laite Armed Veng khawtlang hruaitute nen an enho a. Kawng pawimawh a nih avangin a rang thei ang bera siam turin rawtna sorkara a thehluh tawh pawh lo umzui nghal a tum thu a sawi a ni. Armed Veng chung leh hnuai inkalpawhna lei dawh tur pawh a hmunah Khawtlang hruaitute nen enhovin, Romawia Royte chuan, he lei dawh tur hian UD&PA-in hma a la a, Contractor pawh thlang fel tawhin Work Order pawh tihchhuah tawh a nih thu leh Rs.150 Lakh-a dawh zawh tum a nih thu a sawi bawk.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh