ZALEN July 8, 2024; Lawngtlai Vengpui ah leiminin chenna In a hnawl, thi leh hliam an awmlo, bungrua chuh hman a nilo.

Tukin zinglam zinglam dar 2:30 vel khan Lawngtlai Vengpui, SP Office thlang a CT. Lalthanzama In, Assam type, Siamthanga te luahlai chu leiminin a hnawl a, bungrua engmah chuh hman a ni lova, he In a awm mi pathumte erawh vanneihthlak takin, him takin an tlanchhuak.

He In ah hian Siamthanga leh a fate pahnih riakin an bang chhaknlam chu leimin hian a rawn nek chhia a, hemi atang hian a theih ang anga insaseng nghalin him dam takin an chhuak thei a, an chhuah hnu reilote ah leimin hian In hi a hnawl ta niin In luahtu Siamthanga chuan a sawi.

Chhiattawhna hmunah hian VC leh YLA hruaitute bakah mi tlawmngaite thawkchhuak nghalin, zan thim hnuai leh ruahsur kar ah chetlak theih a nih lutuk loh vangte, a chengte ber an him vangin bungrua senghawi theih ang ang senghawi tur leh a theih ang anga chhawmdawl hna thawk turin khawvar lam nghah mai nise an ti a, vawiin lam ah khawtlang huapin In chhia leh bungrua senghawi hna hi Vengpui khawtlangin an thawk.

Tukin zing khan Lai Autonomous District Council a Chief Executive Member C. Lalmuanthanga chuan helai hmun hi tlawhin chhiat tawkte thlamuanin, Khawtlang hruaitute hnen ah hnatlang thingpui lumna tur a pek bakah In neitu leh In luahtute pawh tawrhpuinan tangkafai a hlan a, chhawmdawlna awmthei ang angte a thei anga bawhzui a tum thu a hrilh.

Leiminin In a hnawlna chhan hi khawtlang hruaitute chuan a chhaklama S.P Office atanga tuihawk luangthla chu a luanna tur tuihawk luankawr mumal a awmloh vangin lei hi min ta ni a an ngaih thu an sawi.