ZALEN April 16, 2025; Aizawl Muanna Veng Local Council leh All NGO Co-ordination Committee thuchhuak angin nimin zing dar 6 atangin Thuampui via Durtlang Leitan a, leivung paih thin motor an dang.

Leivung paih motor te fimkhur loh vang hian vanduaina tawk leh nun chan hial an awm tak avangin Muanna Local Council & All NGO Co-ordination Committee chuan AMC leh Mizoram Truck Owners Association-ah te fimkhur tura ngenna an lo thlen tawh a. An thu thlen hian awmzia a neih chuan loh avang leh midang tihpalh hlau miah lova an run luih zawk emaw tih mai tura leivung paih te an la khawsak zel avangin Muanna Veng LC & All NGO Co-ordination hian Leivung Paih Motor Dan hi ti tlu ta an ni.

Thuampui via Durtlang Leitan rama leivung paih thin ten, buaina nasa zawk an tawh loh nan leh dan buai an ngaih loh nan kal lui lo turin an inngenin an inhriattir a ni.