Kan Aizawl khawpui kawng hi a chep tawh em em a, Trafic zam avangin buaina kan tawk cham chi tawh a. Brig T.Sailo (RIP) khan thil thui tak thlirin kan ram Traffic zam tur hmu lawkin khawpui thawl zawk a awm theih nan Aizawl khawpui zauhna tur Luangmual ram a valh (acquired) chiam a; mahse, a rorel a rei loh avangin a hnua Ministry lokal lehten an tuipui ve lo nge, Remna Run area te, Luangmual complex hmun te tak ngial pawh mi malin an nei zo leh ta ni awm tak a ni. Sawrkar hian engti kawng zawng emawa kawngpui sialah, a pian thar loh chuan khân thenkhat, kawngpui insut khawmna lai, entir nan, vaivakawn te phei hi chu inhnawhping thei mai ani reng ani. Lengpui Airport Road: He kawng hi Compani peng atang lo chuan Hmun dang panna a awm lo tluk a ni. Airport Road pakhat chauhin a pawh hi a risky a, flight reporting time thlen hman loh a hlauhawm thin. Rawtna pakhat han siam ta ila. Kan sawrkar hotute hian survey an lo nei tawh nge nei lo chu ka hre lo na a, kan Mizoram University Road hi RAMRI kawnah a kal a Ramrikawn atang hian Central Jail-ah a kal phei a, Jail tlan pelin Sakawrtuichhun kawngah Central Jail Main Gate thlang, hmar lam ep ruam ah hian kal peng ta sela. Tlak lam mualah hian liam thlain (Industrial Estate ram an ti emaw ni)-ah hian kal thlain kawng kawi thleh ngai miah lohin Sihhmui Tlawng Lei kha a zuk man mai dawn a. Satellite Google.Com (Maplandia) atanga en hian ram rem tak vek niin ka hria. A hnuk a tawi em em a. Company peng atanga Tuna high Way hi chu a kawi hnem in Leimin thei apui a tam in Company peng thlang ang Lei thawp (Loose Soil ) a tam a, Leimin avanga Kawnpui kawng lama hel vang vang te pawh Chrismas dawn khan an awma nih kha. Monsoon a nat changin Lei min mai thei a tam a. Tin , High way Trafic pumpelh nan a him hrim hrim a. Tun ah hian Vaivakawn atangin Ropaia bawk Ramrikawn - Tanhril ram tlak lamah Sihhmui lei (sak thar) kha a man mai dawn a ni. Tuna kan panna aiin a let deuhthawin a lo hnai tawh ang. 1. Ti chuan Khatla- Copital Complex leh Chawnpui- Luangmual ah kaiin Ramrikawn rawn man leh se, Airport Road hi Reporting time man turin Thlamuang tak in kan tlan tawh dawn ani. Kawng pumpelh (alternative Rout) a lo tam chuan Vaivakawn traffic buaina pawh a lo tlem sawt ang. 2. Mizoram University kan nei a, Ramri kawn piah lawk ani a. Lengpui Airport ah Visiting Professor lo tum in Course leh Seminar ah Lecture pe in , Hmun dang Lecture pe leh turin an thlawkchhuak leh nghal mai thei tawh ang a. Kan MZU pawn Ram changkangte dinhmun ang (world Class) luah vein ram dang Visiting professor han pawh mai kha a awlsam dawn avangin International level-a inhlankaina tur kawng pawimawh tak a ni. Heng thil hi changkanna ropui tak a lo tling tawh ang.