Aizawl; Aizawl district chhung ah kum 2019 atanga kumin March thlengin lirthei a chetsualna tum 66 thlengah mi 49 an thi a, mi 42 in hliam an tuar.

CID Crime branch atanga ZALEN thudawn danin, Aizawl district chhung ah kum 2019 khan lirthei a chetsualna tum 33 thlengin, hliam tuar 22 an awm a. An zing a mi 17 te chu hliam tenau tuar niin, midang 5 te chu hliam na tak tuar an ni a, nunna chan mi 25 an awm.

Nikum 2020 chhung khan lirthei chetsualna tum 28 thlengin, hliam tuar mi 18 an awm a, an zinga mi 11 te chu hliam tenau tuar an nih laiin, midang 7 te chu hliam na tak tuar an ni. Nunna chan mi 21 an awm bawk.

Nikum chhung khan January, March leh July thla ah lirthei chesual a nunna chan mi pali (4) theuh an awm a, April, June leh October thla ah te nunna chan an awm lo. Nikum chhunga lirthei chetsualna thlen tam ber thla chu March niin, lirthei chetsualna tum 6 thlengin, hliam tuar mi 5 bakah nunna chan mi 4 an awm.

Kumin March thla kal mek thlengin lirthei a chetsualna tum 5 thleng tawhin, hliam tuar mi 2 an awm bakah, nunna chan mi 3 an awm tawh. Kumin January ah thihna thleng khawp lirthei a chetsualna a awm lo a, February ah nunna chan mi 2 awmin, March thla kal mek ah lirthei chesual a nunna chan mi 1 a awm.