April 30, 2024; Kar kalta chhung khan Enforcement Staff, Aizawl ten lirthei document fello an chawitir Rs. 4,50,000 chuang a ni.

Enforcement Staff Aizawl ten April ni 22 - 26 chhung khan lirthei 462 an check a, document fello a hmuna an chawitir 91 an awm a, document man sak 6 an awm bawk.

Document fello a hmuna an chawitir bakah hian chawi tur neilo te, tlan tlang lui ang chi te e-challan hmanga lock an ni thin a, e-challan hmanga chawi tura tih zat hi lirthei 25 an ni.

Lirthei document fello an hmun chhuah zingah maxi cab leh LMV tam berin 17 ve ve a ni a, E Challan hmanga chawi tura tihte chawi tur zat Rs. 2,18,500 a tling.

DTO (RA) chuan lirthei neitute an lirthei number ang nei hria chuan DTO hnai bera report turin an ti a, tunhnaiah lirthei registration number in-ang man a awm fo a ni. Motor hlui lei tur chuan, DTO ah enfiah hmasak tir thin turin lirthei lei turte an rawn bawk.