Aizawl : St Paul's High School batch of 1993 - 1995 te chuan nimin khan Covid 19 hri leng mek do na atan Aizawl khawpui chhung veng 15 LLTF te hnenah thilpek an hlan.

Thilpek petute hi kum 1993 - 1995 inkara St Pauls High School-a kalte niin mahni remchan ang angin pawisa an thawh khawm a. Aizawl khawpuia Covid 19 hri tuar zual deuh nia lang veng thenkhat hnenah Community Covid Care Centre (4C) leh veng chhunga an mamawh zualpui phuhruk na'n LLTF te hnenah thilpekte hi an hlan a ni.

Vawiina thilpek an hlante hi PPE Suit, Pulse Oximeter leh thermometer te niin a vaiin Rs 337500 man a ni.

St. Paul’s chhuak ten thilpek an hlannna LLTF te hi Armed Veng, Armed veng South, Bawngkawn, Bethlehem, Chhinga veng, Dinthar, Electric Veng, Sairang Dinthar, Tuithiang, Venghlui, Zarkawt, Saron Veng, Sihphir, Phunchawng leh Kanan Veng te an ni.