American actress Amber Heard leh a pasal hlui Johnny Depp te inkar chu chinfel a ni tawh emaw tih laiin thu thar dang a rawn awm leh ta tlat mai - Los Angeles Police ten Amber Heard an chhui ve leh thung niin khawthlang media te chuan an tarlang. 

Kum 35 mi Amber Heard hian Johnny Depp hi kut thlak thinah a puh a, hei vang hian Depp hi thiam loh chantir a lo ni tawh nghe nghe. Mahse Depp-a lawyer te chuan Amber Heard hian dik lo takin a puh niin an ngai a, tunah hian Amber Heard hi an chhui let ve leh thung a ni. 

'Alice In Wonderland' actor Depp leh 'Aquaman' star Amber Heard te hi kum 2016 khan Los Angeles-a an chenna inah an intithiam lo a, kut an inthlak chiam niin an sawi. He thil thleng behchhan hian Amber hi court-ah a lo zualko tawh a, mahse he ta a puhnate hi Depp-a lamte hian an pawm thei lo a, Los Angeles Police Department ten an chhui zui leh mek a ni. 

Amber Heard tanfung hi a lo dik lo a, dawt a lo sawi a nih chuan jail tan a hmabak dawn tihna a ni. Amber Heard leh a thian Rocky Pennington te chu May 21 hian thu zawh fiah an ni ang.