ZALEN Oct. 10, 2024; Serchhip District chhung Lungpho khaw mi Lalthanmawii (29) chu nimin (9.10.24) khan an fehna ah lung lum n fuh palhin hmunpui lam panpui a nih laiin a boral.

Lenkawlin a tarlan danin, Lalthanmawii w/o Lal-hunruata hi Lungpho leh Rullam inkar, khua atanga Km. 3 vela hla ah fehin Sawhthing hmun an thlo a, Lungpho leh Rullam inkar kawng zauh tura kawngsir thianfaitu JCB chuan lung ti lum palhin, hei hian Lalthanmawii nu leh an fehpui Rosangi chu a lu-ah a deng fuh a, hemi buaipui tura a kal chu a aia lian zawk lung lumin Lalthanmawii hi a deng fuh leh ta a ni.

Lalthanmawii leh a nu Rosangi te hi Ngentiang PHC panpui niin hmunpui lam pan tura tih an ni a, Chhawrtui khaw dai-ah Lalthanmawii hi a boral zui ta a ni.