Aizawl: Sub. Hqrs. YMA Lunglei chuan Aizawl-Thenzawl-Lunglei kawng chhe chhe lutuk siamthat thuai tura nawr nan naktip Thawhlehni zing dar 6 atanga tlai dar 5 inkar chhungin Lunglei district huam chhungah No Vehicle Day hman an tum.

Nimin khan Sub Hqrs. YMA hruaitute hian an office-ah chanchinbu-mite kawmin Sub Hqrs. YMA President Lalrotluanga chuan Lunglei kawng chhiat vangin chhim lam mipuite nasa takin an buai tawh tih sawiin he kawng hi chhim lam mipui te nunna hnar, engkim chawkluhna a ni tih a sawi a. Kawng chhia chungchang hi Chief Minister leh sawrkar mi pawimawhte pawh an lo sawipui tawh tih sawiin an ngenna in awmzia a neih loh avangin hreh tak chungin No Vehicle Day kalpui a lo ngai ta niin a sawi.

Lalfakzuala Vice Pre. Sub Hqrs YMA pawhin No vehicle Day hman a lo ngai ta chu YMA chuan hrehawm a ti tak zet a, amaherawhchu loh theih lohna avang a ni tih sawiin he an thil tih hian Bhavya Company hi au eih ngeisei a duh tih a sawi a, hemi ni na na na chu lirthei tumah in hawlchhuaah tum lo turin kan ngen a ni, a ti.