Aizawl : Tun hnaiah Lunglei Civil Hospital TrueNat khawl a hman tur Test kit reagent chu mamawh tawk a awm loh avang in duh ang zat test tih theih a ni lo a, ZMC lamah test tur thenkhat pawh an rawn thawn hial.

Lunglei health hnathawk te hnen atanga thu dawn danin test kit te hi Aizawl leh hmun dangah pawh an chah thin a, mahse, an duh tawk an hmu thei lo niin ZALEN a hrilh a, Test kit reagent hi DNA leh RNA extractor atana hman thin a nih thu a sawi. Hei hi an mamawh tawk an hmuh theih loh vang hian test pawh loh theih loh chin lo chu an ti ngai lo tih a sawi.

Hnathawk dang sawi leh danin TrueNat khawl chuan a test theih a tlem avangin an test sen loh te chu ZMC laboratory lamah an thawn thin thu a sawi.

RT-PCR khawl Lunglei a bun tur chungchangah hman theih a nih hun tur a la hriat loh thu a sawi a, Tourist Lodge-a dah tura ruahmanna kalpui mek a nih thu a sawi bawk.