Aizawl: November 28, 2018-a Mizoram MLA inthlanpui neih zawh takah Lunglei district-ah vote a tla tha ber a, Siaha district-ah a chhe ber thung.   Lunglei district-ah hian Assembly constituency 7 awmin 83.55% a tla a ni. Lunglei dawtah hian Kolasib district chu vote tlak thatna ber a ni a, 82.05% a tla, pathumna Serchhip district-ah 80.66% a tla a, pali na Mamitah 80.63%, Lawngtlaiah 80.38%, Aizawl district-ah 79.07%, Champhai district ah 78.93% niin a tlak chhiatna ber Siaha district-ah 77.84% a tla a ni. Tun tum inthlanah hian Mizoram pumah voters 820032 awmin heng zinga 658611-ten vote thlakin vote tla percentage hi 80.32% a ni.   Assembly bial 40 awm zingah Lawngtlai East bial chu vote tlak chhiatna ber niin voters 23513 awmnaah mi 17352-in vote an thlak a, vote thlak percentage hi 73.8% a ni. Lawngtlai East dawtah hian Aizawl North III chu vote tlak tlem lama pahnihna niin 75.08% a tla a, Siahaah 75.69% a tla bawk.