ZALEN December 7, 2024 : Lunglei Officers' Club (LOC) member-te chuan Lunglei khawpui chhunga mi rethei leh khawsak harsate'n kum 2024 Krismas hlim taka an hman theih nana ṭanpuina tur sum an thawh khawm, Christmas Charity ₹ 1,50,000/- (cheng nuai khat sing nga) chu vawiin khan Young Mizo Association (YMA) Sub-Headquarters Lunglei hruaitute kutah a mamawhte hnena an lo hlan chhawn atan an hlan.

Charity sum inhlanna hunah hian LOC member eng emaw zat telin, Sub-Headquarters YMA atangin Secretary, Treasurer leh Finance Secretary te an tel a. Tanpuina sum hi Sub-Headquarters YMA chuan Krismas vuakveta Lunglei khawpui chhunga khawsak harsa, tanpui ngaite hnenah a tul danin an sem dawn a ni.

LOC hi December ni 18, 2023 khan din niin, nikum Krismas vuakvet-ah khan mi harsate leh tanpui ngaite tanpui nan charity concert buatsaihin chhungkaw 21 hnenah tanpuina an lo hlan tawh bawk a ni.