ZALEN September 10, 2026 ; Nizan khan Mamit District chhung Lungphun khaw bula kawng siama inhlawh hnam dang pahnih chuan an hnathawhpui an that.

Lungphun khaw bula company hnuaia hnathawka inhlawhte hi nizan khan an inhnial buai a, an thianpa pakhat chu a ke an vuak tliah sak hnuah khamah an paih niin thudawnna chuan a sawi.

A thattute hi tukin khan tlan chhiat tumin Maxicab-ah an chuang a, umzui an nih hnuah Reiek daia Vaipuanpho bulah man an ni.

Inthahna a thleng tih hriat a nih ve leh Lungphun Branch YMA in an ngaihven a, an mi thah hi kawng thlang metre 100 velah a ruang an hmu a ni.

Mi pahnihte hi Lungphun lamah hruai an ni a, YMA kutah dah an ni. West Phaileng Police leh forensic science laboratory hriattir an nih hnuah thil tul ang ang an buaipui nghal a ni.