May 11, 2022; Mara Autonomous District Council (MADC) inthlan neih zawh takah seat 9 latu, MNF party chu vote hmu sang ber niin, vote tla 36,119 atangin a pumpui a vote an hmuh chu 14,062 (38.93%) a tling.

Mizoram State Election Commissoin (SEC) tarlan danin, seat la hnem ber BJP in vote an hmuh zawng zawng chu 11,708 (32.41%) niin, MNF aia vote an hmuh tlemna 2,354 a tling. Indian National Congress (INC) in a pumpui a vote an hmuh chu 8,823 (24.42%) ni bawkin, vote hmu sang ber MNF aia an hmuh tlemna 5,239 a tling.

Candidate 8 nei ZPM in vote 502 (1.38%) hmuin, Independent candidate 5 te vote hmuh belhkhawm 1,117 (3.09%) a tling. None of the above (NOTA) ah vote 179 a tla bawk.

BJP candidate zingah vote 700 hmu tling an awm lo a, INC ah vote 700 chunglam hmu mi 3 awmin, MNF ah vote 700 chunglam hmu mi 5 an awm. ZPM candidate mi 8 zingah vote 100 chunglam hmu pakhat awmin, a dang zawng chu vote 100 hnuailam hmu vek an ni. Independent candidate zinga vote hmusang ber in 445 hmuin, midang te pawh vote 100 chung lam hmu vek an ni.

Tarlan tawh angin, MDC bial 25 a inthlan neih zawh takah candidate 85 an awm a. Vote nei mi 42,342 zinga mi 36,119-in vote an thlak a, vote tla hi 85.30% a ni.

Party te vote hmuh dan : MADC

MNF       14,062 (38.93%)

BJP         11,708 (32.41%)

INC         8,823 (24.42%)

ZPM       502 (1.38%)

Independent 1,117 (3.09%)