Madonna chuan remix album a tichhuak dawn a, hla 50 zet a awm dawn. Madonna hi Billboard Dance Club chart-ah a vawi 50 nan No.1 a ni a, a la chuai lo tih a lang.  Kum 63 mi superstar hian  remix album chungchang hi tun hnai khan a tarlang a, streaming service lamah en theiha chhawpchhuah a ni ang.

A album hi August 19-ah tlangzarh a ni dawn a, mahse hla 16 chauh dah chhuah phawt a ni ang. 'Vogue' hitmaker hian a remix album-ah hia a hla hit - Like a Prayer leh Express Yourself te pawh a tel dawn a, unreleased version - Ray of Light leh Everybody te pawh a tel ang. 

Hlate hi a ngai ngain dah a ni dawn lo a, a vaiin remastered vek a ni ang. 'Material Girl, Beautiful Stranger leh Hollywood hla i lo hriat thin tawhte pawh kha a rawn dang hret tawh mai thei. Britney Spears nena an sak 'Me Against the Music' pawh hla tel tur zingah a tel a, Nicki Minaj nena an hla hit 'Bitch I’m Madonna' pawh a tel dawn. Madonna remix album hi minute 220 zet ni tura ngaih a ni a, ngaihthlak man hla tur tak a ni ang.