September 5, Teachers’ Day a ni a. Mission Veng Branch SBI-a ka din mek laiin, “Kha i lo zin a ni maw?” tiin tu emaw hian ka tukhum lam atangin min rawn bia a, ka tukhum sam hi a rawn chhem phe dawrh hian ka hria a. Ka han lehhawi nak chuan Tlangnuam pathlawi lungleng Mafaa Hauhnar lo ni rengin! Ka han en ching a, a fresh riau mai a. “E heu, tunlai chu i dry a ni maw?” ka ti a. Ani chuan, “A rei tawh alawm,” a ti a. “Dry teh, tha teh,” ka ti a. Kan hmaa ding, pitar sang tak, sam tikir  hnenah ka mobile phone pek leh, “Ka pi, khawngaihin kan thla hi min lo lak teh,” tih ka rual nghal a. Pitar chuan uluk farana kan thla a lak lai chuan, “In chhe lo dun kher mai,” a ti kher a. Ka nau Mafaa Hauhnar, kamthlawn-ba-duh-lova chuan, “Chhiat ngaihna a awm lo hrim hrim!” tiin a lo tuihnih a. Mafaa Hauhnar hi kuhva tui ti mi ngang hi a ni a, tui ti âwm tak hian kuhva khawr a thial suam suam a. “Kha i kuhva man atan,” tiin Rs.500 ka pe a. “A ngai lo asin,” a ti a. “La mai mai teh,” ka ti a, nui deuh sûng chungin a la ta a. Kum 1975-a piang hepa thuziak thiamzia hi mak ka ti fo va. American short story writer O. Henry @ William Sydney Porter (1862 –1910) ka tehkhin ber! O.Henry thawnthu ziak hi chu zawlaidi a nei ka ti mai. Kan hriat thiam dan tur chuan khawvel pum huapa thawnthu tawi tha tak tak - “The Gift of the Magi,” “The Ransom of Red Chief,” “The Last leaf,” “A Retrieved Reformation,” “Confession of a humorist” tihte ziaktu kha a ni a. Mizoram High School English zirlaibuah hian O.Henry thuziak ‘A Retrieved Reformation’ leh ‘Confession of a humorist’ tihte hi a tel ve a, naupang ka zirtir lai hian keimah ber hian ngaihnawm ka ti bawk a, ka zirlai naupangte pawh hian ngaihnawm an ti em em mai a ni. A tawngkam bungraw hman dan leh a verb hman dan hi mitdawivai thiam che vel kan en hi ang ka ti ber. Rin loh khanah min luhpui thut zel a. A verb hman hi mi dang hman ang lo hian awmze hran neiin a chhuah thei zel mai. Mafaa Hauhnar hi chu pianpui talent nei thuziak mi a ni a, keini ang duang hi chuan a ne pawh kan ek lo a ni tih hi thu dik pawm hahdamthlak  tak a tling a ni. Mizo tawng leh Mizo thu leh hla lamah mai pawh ni lovin dul kiar lamah pawh ka tluk lo tih hi ka pha lo. Insuknawrah pawh ka cho lo. Ka ngaihsan êm avang hian Tlangnuama an inah hian ka han dak fo va, Shillong atanga B.A zir chhuak lova a lo haw nachhan tak hi ka la zawt chiah lo va. Shillong-a Khasi tlangval zu rui insual huaiho a ngam loh vang chu niin ka ring lo a ni. H.Lalrinfela, Mafaa Hauhnar tia kan hriat lar zawk hi tunlai Mizo ziakmi lar berte zinga mi a ni a.A NAUPAN LAI: H.Lalrinfela, Mafaa Hauhnar tia hriat lar hi Kum 1975 May 19 khan Aizawl Tlangnuamah a lo piang a. H.Lalsanglura leh Lalrinliani te fa panga zinga a tlum ber a ni St. Paul’s High School a kal laiin veng chhung YMA chanchinbuah sports columnist a ni thin a. Kum 1993 khan veng chhung YMA-ina an kum puan bawhzui nana ‘Nungcha Humhalh Essay Competition’ a buatsaihah lawmman 1-na a la a. Kum 1994-a Mizoram pum huap Chapchar Kût essay competition, Art & Culture Department leh Chapchar Kût Celebration Competition tangkawpina an buatsaihah lawmman 1-na a la leh a. Young Writers’ Association: Mizoram-ina kum 1995-a ‘Poetry Contest’ ram pum huapa a buatsaihah 1-na a la leh a. Heta tang hian thu leh hla hi a luhchilh zui ta tak tak a ni.| A SULHNU THENKHAT: Zoppen Club International (Mizo Poet Playwright Essayist Novelist Club)-ah hian founder secretary a ni a. Hun rei tak chhung, a hunlaia Chanchinbu tlangtla ber, Sabereka Khuangkaih editor a ni a. ZOlife magazine executive editor a ni tawh bawk a. Sawrkar Department hrang hrang te, College leh University thlengin creative writing competition-a endiktua hman thin a ni a. Mizorama television shows (Comedian Search, Talent Show and Look-a like contest) lar tak takah celebrity judge-ah a tang tawh. Seminar chi hrang hrangah, All-India Writers meet-ah te thlenga resource person-a hman a lo ni tawh. ‘Vulmawi Writer of the Year Award’ te pawh a lo dawng tawh nghe nghe. A lehkhabu chhuah reng reng hi a hun laia ‘best seller’ kai phak vek a ni. A THUZIAK THENKHAT: Chhûm Zinna Ramah, Labor Omnia Vincit, Nangni lehkhaziaktute u, in chung a pik e, Patriotism, Duhthusam Thâmral, Ka Thian, Sap Sitail Asin, Mizo Tawng, Tawng Mak Sarang, Thu Pakhat Ropui Ka Tih Chu, Inthenna, Beidawnna Piah Ram, Lemchanna Khawvel, Khawtlang Nun Siamthat Chapchar Kût Nunna leh Hriselna in hnenah Zikpuii Pa Zozam Par Thlirna Tho la ding ta che! Nghilhlohna Par Mizo, Lawm teh u! Ai Ka Laih Saih, Isua ka thisen ka pe a, Mi Pahnih Ênna Nunnem, Krismas Âtthâk (?), Thihna Tukdawl Zawh Loh Biakliana, Mother Sûn nan thu kam hnih-khat Ka Hming Hnaisailo Hi, Thau Hi, Ka Thianpa Rotekâwla Fakna a dai tawh lo’ng Halleluia! ‘Hmangaihna’ an tih teh fo hi, Mahni infak leh sakhi ngal, A sakhming a pamhmai e, Ka Pa Sâpthutthleng Sen, A Saptawng takin, Vawi Khat Inhmuhnaah Hmangaihna, Leng Min Zemtu Lengzem Hla, Fakna Hla Thiltihtheihna, World Cup Lunglen, Hmangaihna Tuipui Zauva Lawngmi Khawhar, Perhkhuang Tingtangvala, Adios Jimmy Boy, Mizote leh poetry, Mizo Thalaite leh Thu leh hla, Ka Damlo Va, Kamtha Khua Lumtute, Dara an tum rawn zan kha, Thuamtea ‘Zothlifim’ Thlirna ‘Zoram Khawvel 5,’ Thlirna Kristian Hla Bu Thlirna, Vaihna Vartian, Dum Duhawmi, Tawnmang Thâmral, Duhna Dawi-hlo, Chhawlhring Chhawlbuk, Tawktarh Tenawm, Thihna Thangvalh, Khawngaihna Khatliam, Riahrun Râpawm, Professor Pa-ti-phelh-phawlh-a, Ka Khawhar Khatliam. A HLAHRIL PHUAH THENKHAT: Hringnun hling, Khawnge ka ram? Ziakfung, Ka hlau tawh e, Inpumpêkna them, Thlaler Aurâwl, Thlaler Aurâwl (Hmawrbawkna), Las Palabras de amour, Nunna par tlawmngaihna, Tawn hnihna leh then lehna, Leitlangpui Zaihnunpui hnenah, Hun hlui leh Thar, Tahlai bâng rawh, Ka dil lo che, Tual kan lenna Tlangnuam, Thinlung leh thlunglu inhnialna, Mi a pialral, Kungpui Miril Sûnna, Tuahtirh tuahkhirh di, Kawng Zawnna, Chhandamna, Maicham, December 25, 1994 , Kei leh nang, Sakhmel Tawn loh tleitiri, Panlai Ngaihawm, Hla Zangkhai, Ram Hruaitute Hnena Thurochhiah, Chhawkhleipar Zarpuii, Tual Kan lenna Zoram, Tan Hla , Varpawhna, Hmangaihna Zarah, Rauhsan Run, Shalom, Hmangaihna Saltang, Khawvel Pahnih, Beiseina Thuthlung, Kawl a Var Leh Ang, Chuailopari. A LEHKHABU BUATSAIHTE: Chawlhna Tuikam (1997) - essays, poems & criticisms Thaikawi Palai (1999) - Selected letters of JF Laldailova - edited Khawithlâr (2001) - Collected writings of R. Zuala - edited Thlaler Aurawl (2008)- essays, poems & criticisms JF-a German Ral Run (2010)- Collected writings of JF Laldailova - edited Vaihna Vartian (2010) - Selected Short stories Hlim Nî leh Nuihlai Nî (2011)- a galore of wit, humour and anecdotes Kungpui Miril JF Laldailova - (Writings about, by and for JF Laldailova) edited.