India rama lirthei siam chhuaktu company lian Mahindra chuan July 15 hian Bolero Neo chu tlangzarh a nih tur thu an puang. 

Mahindra Bolero Neo hi a hmelah danglamna a awm nual dawn a, a hma bumper tih danglam a nih bakah, grille leh headlamp te a danglam hret dawn bawk. 

TUV300 ang bawkin Bolero Neo hi a sei zawng metre li a ni dawn a, TUV300 nen hian kawng tam takah inanna an nei dawn a nih hmel hle. A engine hman tur pawh puan chian la ni chiah lo mah se TUV300 engine nen a innang dawn niin an tarlang  bawk. 
ahindra hian XUV700 an tlangzarh dawn hnai niin an tarlang bawk a, hei hi kumina an project lian ber pakhat a ni. Heng bakah hian kum nga chhunga tihchhuah hman turin - Scorpio, Thar (5-door) leh XUV Aero-based XUV900 SUV-coupe te chu an hmachhawp zingah a tel bawk. 

July 15-a an tlangzarh tur Mahindra Bolero Neo hi a Rs. 8.5 - 11 lakh (ex-showroom) inkar vel ni tura ngaih a ni.