Pathianni kal ta khan Israel chhim lama hmun lar tak, Dead Sea kam thlaler hmunah model za rual, rawng var inhnawih vekte chu American artist Spencer Tunick-an photography project a kalpui mek atan thla an la!

Tunick-a erawh chu kawr duma inthuamin, lirthei (recreational vehicle) chungah dingin megaphone hmangin model-te chu thu a pe kual thung.

“In vaiin in ke intisi ula, in kut thlak thla ngil rawh u,” tiin a au lauh lauh a ni.

Kum 54 mi, thlala thiam hi Isralei tourism ministry mikhual a ni a, a vawi thum nan Dead Sea kamah hian saruaka thlalak lam project a kalpui mek.

Saruaka thlalak hna khawvel hmun hrang hranga lo thawk tawh, Tunick-a chuan, “Ka tan chuan mihring taksa hian mawina, nun leh hmangaihna a entir a ni,” a ti.

Tunick-a hian kum 10 kal ta pawh khan Dead Sea kamah hian model 1000 chuang zette chu saruak vekin an thla a lo la tawh a. Hemi a lak lai hi kum tina metre khat dawna Dead Sea a kâm hun laia a lak a ni.