United States-a Alaskan cyclist chuan Guinness World Records siam tumin mel 500 zet, Iowa state pum a inkhalh chhuakin a, a hnung zawng ngata chuang a ni thung.

Will Walker-a hi Register’s Annual Great Bicycle Ride Across Iowa an tihah a tel cyclist 30,000 chuang tel zingah a inziak lut a, mel 500 zet inkhalh tur a ni a; mahse, Walker-a chiah hi a khalhfung (handlebar)-a thua hnung lam hawia inkhalh a ni thung.

Walker-a chuan hetianga thirsakawr khalh leh chuan hi kum tam tak kal ta atanga a thiam a nih thu a sawi.

“Kan thiante nena kan inkawma kan khalh thinah ka hnung leh sira tlante ka hmuh chian theih nan hetianga chuan hi ka ching tan a, chutiang atang chuan ka thiam tan a ni,” tiin KTUU a hrilh a. “Tunah pawh hetianga chuanga khawvelin min hriat theih nan ka inziak lut ve a ni,” a ti.

Walker-a hian Guinness World Records hnenah hetianga thui hi a chiang a ni tih finfiahna chi hrang hrang a thehlut tawh a. Tuna a hnung zawnga chuanga thirsakawr khalh thui ber hi mel 209.77 khalhtu, Australian Andrew Hellinga-a’n kum 2013-a a siam kha a ni a. An pawmpui chuan a khum dawn a ni.