Patling, gorilla anga inthuama a vah ngata London Marathon lo vak chhuak tawh chuan Russia nena an indona kal mek tuartu Ukrainian-te a tawrhpuizia leh a thlawpzia lantir nan a hnung zawnga tlan chhuak veleh thak a tum.

Tom Harrison-a hian hetianga a tih chhan leh a tum ber chu ‘ka kokia Ukraine pu ang leh ngaihven reng ka nihzia lantir nan’ tiin a sawi.

Kum 46 mi, Harrison-a hi maksak leh danglam taka chetna kawngah hian chhinchhiah a lo hlawh tawh a. Lands End, Cornwall atanga bul tanin Parliament Square, London thleng, mek 263 zeta hla chu September, 2022 khan ni 15 chhungin kein a lo kal chhuak tawh a ni.

Kum nga kal taah khan marathon-ah hian danglam takin a che leh a, ‘Mr Gorilla’ tih a hlawh phahna chu a lo ti tawh bawk a ni.

Project manager chuan ‘maksak’ leh ‘mi mit la taka’ chetna tur chuan a tihchhan chu nasa zawka a puan chhuah phah ngei a beisei thu leh an sum hmuhte chu Red Cross-ah an hlan vek tur thu a sawi.

“Ukrainian tam zawk hian indonaah mi that an ni tih an hria a, an hun tawn mek chu a rapthlak a, thlawp leh theihnghilh mai mai loh tur an ni,” a ti.

London Marathon-a tel tur leh Red Cross tana sum tuak tur hian £2,000 a mamawh a, hei hi a tuak ngah tawh a. Harrison-a hian a sumte hi chhang siamin a tuak deuh ber a, miin an thawh zel pawh a beisei.