Australian putar kum 79 mi chu football inelna huanga khel thei upa ber niin Guinness World Record chuan a chhinchhiah.

Guinness World Records chuan Nilainia kum 80 tling ta, David Mudge-a hian kum 79 leh 89 mi a nihin Northern Suburbs Football Association-in inelna a buatsaihah Kissing Point Football Club tan North Turramurra a hmachhawn tih an tar lang.

Mudge-a hian seaon tluanin, chawlhkar tin team 45 tan a inlan a, a fapain Guinness World Record-a football inelnaa khel upa ber mipa chu kum 73 mi chauh a nih thu a hrilh atangin khum ngei tumin a bei a ni.

Guinness World Record chuan record siam tur hian player chuan inkhelh hun chhung pangngai, minute 90 a khelh tlin ngei a ngai tih dan an zam a, hei hi April 25, 2022 khan Mudge-a hian tipuitlingin record thar siamtu a ni ta a ni.