Guinness World Record chelh mektu, khawvela khabe hmul sei ber chuan ama record siam ding lai chu khum thar lehin Canada-a cheng hian khabe hmul feet 8 leh inches 3 zeta sei a zuah ta!

Surrey, British Columbia-a cheng, Sarwan Singh-a hian kum 2008 daih tawh khan khawvela a ber nihna hauhvin hetih lai hian a khabe hmul hi feet 7 leh inches 8 a ni a. Hei hi ku 2010 khan amah vekin khumin feet 8 leh inches 2.5-a sei a zuah tawh.

A rawlthar chhuah tirh, kum 17 mi lek a nih atanga a khebe hmul zuah tan, Singh-a hian tun thlenga zuah chhunzawm zelin a record siam sa pawh chu a khum thar leh ta a, tunah chuan feet 8 leh inches 3 zeta seiin a zuah ta a ni.

Record siamtupa hian a khabe hmul zuah chhup mai chu a sakhua, Sikh-a rinna lantirna chi khat a nih thu a sawi.

“He thil hi pathian hnen atanga thil pek ka dawn a ni a, keima hlawhtlinna a ni lo,” a ti a.

“Khawvela khabe hmul sei ber ni tura malsawmna dawngtu atan thlan ka ni a. Sikh kan nihna angin kan khabe hmul hi kan zuah reng a, a thang a, ni tin kan khuih thin a, a sei ber ka ni thei hi ka vannei hle a ni,” a ti.