Sap ramah chuan mitthi vui buaipuia ei zawng (funeral firm)-te an awm a, heng zinga pakhat chuan miin thihna leh a kaihhnawih hlauhna an neih thin tihbo theihna a nih beiseiin kuang mak danglam tak tak, fiamthuna ni awm tak tak an siam chhuak a, thenkhatte phei chu Greggs sausage roll ang takte a ni hlawm.

Go As You Please-a an hotute chuan an kuang duanah a design-ah tiamchin pawh an nei lo niin an sawi a, miin hun harsa tak a tawh chu a eng leh zangkhai zawnga lantir an tum niin an insawi.

Kuang siam dan tur design an neih zingah hian Doctor Who Tardis leh Bell’s whisky um ang pian te pawh a awm.

Hei mai a ni lo va, Star Wars, Game of Thrones, The Walking Dead, Harry Potter leh Only Fools & Horses anga siam tura rawtnate pawh an nei bawk.

Edinburgh, Scotland-a hmunpui nei, England hmarchhak lamah pawh branch eng emaw zat nei firm hian an kuangte chu anmahni dawrtu duh dan ang zela an siam mai dawn thu an sawi a ni.

General Manager Scott Purvis chuan Sky News hnenah Dyson box angin mi pakhatin a duh tlat avangin an siam tawh tih a sawi a. Kuang dang pakhat pawh thing chi hrang hrang bel khawmin an siam tih a sawi bawk.

A chunga thlalak hi en vang vang la, hengte hi an kuang siam tura an duan thenkhat a ni a, a danglam hlawm hle.