Kum 121 chhung zet a bawm (rangva)-a dah tawh chocolate chu lilama hralh tum a ni.

Uluk taka vawn that chithlum hi Cadbury-in kum 1902 daih tawha British lal, King Edward VII leh Queen Alexandra te lallukhum khumtir an nih puala an siam a ni.

He chocolate hi an fanu kum kaw mi, Mary Ann Blackmore hnenah an sikulah pek a ni a; mahse, ei lovin a nu leh pa an lal hriat rengna pakhat atan a dah tha ta daih a ni.

Vanilla chocolate hi a nu leh pa an thih hnuah pawh an chhungkuain an inhlan chhawng zel a, a tuchhawng tawh, kum 72 mi, Jean Thompson-i chuan a bawm hian Derby-a Hanson’s Auctioneers hnenah a hlan a ni.

Hansons Auctioneers-a mi, Morven Fairlie chuan, “A hun lai chuan induhsakna tawp a ni a, naupangten chocolate an dawng ngai lo. Naupang hnenah thilpek special tak a ni a, a tawh pawh a tawk miah loh thung,” tiin a sawi.

Chocolate hi Hansons hian an lilam dawn ta a, £100 atanga £150 inkar vela hralh theih an inbeisei a ni.