Texas, United States-a library-a thawktute chuan tun hnai khan an drop box-ah thil danglam tak an hmu a, Beatles cassette tape, an hnen atanga kum 44 liam tawha hawh an kir leh an hmu nawlh.

San Antonio Public Library chuan tape chhungah hian Beatles member pahnih, John Lennon leh Paul McCartney kawmna pawh a awm tih an sawi a, miin an lehkhabu hawhte an dah kirna hmun, drop box-ah tun hnai khan a hawhtuten an lo kir leh a nih hmel hle.

Librarian-te chuan cassette hi kum 40 chuang kal tawhah Westfall Branch Library atanga hawh niin an sawi.

“Vanneihthlak takin October, 2021 atang khan fine-free kan kalpui a, kum khat a ni emaw, kum 10 leh 40 pawh ni se, chawi belh awm lovin kan dawng thei zel,” tiin Facebook-ah an tar lang.