maksak : Loan hmang dik lo nasa!

Admin - Sep 19, 2021

Covid loan vanga buaina

United States-a California state chhim lama pa pakhat chu sorkar laipuiin coronavirus tuarte puih nana pawisa a puktir dik lo taka hmanga puh vangin thubuai siamsak a ni.

Irvine, California-a cheng, kum 38 mi, Mustafa Qadiri-a hi sorkar laipui chuan a sumdawnna puih nan $ maktaduai nga a puktir (loan a la) a; mahse, he sum hian chawlh hmangin a zin a, lirthei man to ber ber - Ferrari, Bentley le Lamborghini te a lei niin an puh.

Qadiri-a hi kar hmasa khan Paycheck Protection Programme kalpui meka sum dik lo taka a hman avang hian man a ni a. He programme hi nikum lama US-a Covid-19 an tawrh avanga sumdawnna tenau neitute puih nana sorkarin pawisa a puktirna a ni.

Amah chuan tih dik loh a nei lo tiin tang mah se bank pawisa tichingpen leh mipui pawisa ru angin US Attortney Office chuan a puh a. Prosecutor-te chuan bank pathumah company awm lo hmingin PPP hmanga pawisa puk a dil niin an sawi.

Share now