United States-a Massachusetts-a nu pakhat chuan a lottery ticket lei atangin dollat maktaduai khat zet a manna chu paih mai mai mah se a leina dawr neitute chhungkua an lo fel em avangin a chân lo hlauh!

Lea Rose Fiega-i hian $ 30 man Diamond Millians an tih, kheuh khawha man zat inziahna ang chu a hna thawhna,  Southwick bula Lucky Shop-ah March thla khan leiin a en thuak chuan a man loh hmel em avangin a leina dawr nghaktu chu pe kirin a kalsan a. Dawr neitu hian an thutna bulah ni 10 zet a lo dah mai mai hman a ni.

Dawr neitu fapa chuan ticket dah mai mai chu a lo hmu a, a’n kheuh hawn chuan pawisa tam tham tak mai a lo man reng si a. A chhungte hrilh vatin a chhungte hian a leitu, anmahni dawr zing em emtu, Fiega-i hi an hlan let ta a ni.

Dawr neituten Fiega-i ko tura an fapa an tirh lai pawh hian a hnathawhnaah awmin a nuten an biak duh thu a hrilh pawhin a la kal mai duh lo va, hna a laklawh tiin a la kal mai duh lo zui nghe nghe a ni.