Putar kum 67 miin fitness lamah Guinness World Record siam chu thil danglam ve tak a ni a. Gym-a kalten hrui lian tak an theh/vawrh thin (battling rope) ti rei thei ber record erawh a siam tlat si a ni.

David Stephens-a hian Cavalier Golf & Yacht Club-ah record hi a siam a, darkar thum leh minute hnih chhung zet hrui lian hi a sawisa theih a ni.

Stephens a leh a trainer, kum 61 lai ni ve tawh tho, Rodney Hahn-a te chuan world record siam rual an tum a; mahse, Hahn-a hian a siam thei ta lo.

Trainer Hahn-a hi Guinness World Record chelhtu ni lai tho a ni a, darkar 24 chhunga pull-up tihnem thei ber ni lai a ni a, tun tumah hian  a record siam chu khum tumin a bei a; mahse, khawvel huapa record-keeping organization hian an pawm lo.

Heng putar pahnihte hian record an siam rual hian Alzheimer’s Association tan $2,000 hlawh chhuah an tum pah bawk a ni.