Sri Lanka chuan sai khawi laite rui chunga khalh an phal tawh dawn lo va, ransate humhalhna dan thar an siamah hei hi an telh thar.

Sri Lankan mi hausa, Buddhist monk pawh telin, sai hi an hausakna tihlan nan an vulh nasa a; mahse, an enkawl dan tha lo leh rawng tak tak a awm thin avangin sawisel a hlawh fo thin.

Dan tharah chuan ransate humhalh nan leh an dikna ang an hmuh theih nan rui chunga a chunga chuan khalh phal a ni tawh dawn lo va. Ni khatah darkar hnih leh a chanve tal an inbualna hun siamsak tura tih a ni bawk.

Asia chhim lam ramah hian sai vulh lai 200 chuang awmin sai 7,500 chuang a awm mek.

Dan tharah chuan ransa nei zawng zawngte hi an saite DNA chuanna photo identity card an nei vek tura tih a ni bawk.

Sai notete chu hna thawk lo tura tih an ni a, cultural pageant atan erawh hman theih a ni a, a pui hnen atanga lak hran phal a ni lo.

Thing thiar atana tihte pawh ni khatah darkar li bak hna thawh an phal tawh dawn lo va, zana thawhtir pawh an phal tawh dawn lo bawk.