Thil laih chhuahnaa thawk pakhat, United States-a Nome khaw bula mi chu savawmin zan tam tak a tihbuai hnu leh chhuak thei si lova a awm reng hnuah Coast Guard helicopter kal velin tanpui a dilna, SOS a ziah chu hmuin an chhan chhuak.

An mi chhanchhuah hi Coast Guard hian tunge a nih erawh an tar lang lo.

Chopper hi Kotzebue atanga Kodiak pana thlawk niin mi pakhat in in chunga khawvel pumin an inhman tawm, tanpui dilna, SOS a ziah chu an hmu a. Mining camp hnung lam in chunga a duma inziak niin a bul lawka mi pakhatin a bân pahnihin a lo vai bawk a, pan hnaiin an chhan chhuak ta a ni.

An mi chhanchhuah hian savawmin a lo beih nual tawh avangin a ke leh mal velah hliam a tuar nual a. Damdawi inah dah luh a ni.

A thiante chuan a hma daih chawlhkara a chhuak chu a lo haw loh avangin an zawng a, an hmu mai si lo va, an beidawnsan nia sawi a ni.