Indian hmeichhe naupang kum sarih mi lek chuan Guinness World Record thar a siam a, second 13.74 lek chhungin car 20 zet inhung tlar hnuaiah a roller skate hmangin a tleng chhuak thei.

Guinness World Records chuan Pune naupang, Deshna Nahar-i record hi pawmsak tawhin feet 193-a thui, car hnuai chu rang takin a tleng chhuak thei a ni.

Nahar-i hian China hmeichhe naupang kum 14 miin kum 2015-a second 14.15 chhunga hetiang record a lo siam tawh chu a khum ta a ni.

“Deshna-i hian skating hi a ngaina hle a, kum hnih liam ta chhung khan a inzir a, thla ruk liam ta chhung phei kha chu limbo skating-a record siam tur hian a inzir nasa zual a. A coach chuan a pui nasa em em a, a aia thaa ti zel tura fuihtu ber a ni,” tiin a pa, Aditya Nahar chuan Pune Mirror a hrilh.