Indian Army officer pakhat chu Guinness World Record siam ngei tumin thirsakawr hmangin Leh atangin Manali thleng turin a inkhalh chhuak a, ‘mipa mahnia thirsakawra thirsakawr khalh chak ber’ (fastest solo cycling (men) nih a tum.

Defence thupuangtu chuan Strikers Division-a mi, Lt Col Sripada Sriram hi Brig RK Thakur chuan Inrinni zing dar 4:00 khan Leh atangin a vai liam niin a sawi.

Officer hian km 472-a thui inkhalh a tum a, metre 8,000 vela sangah a lawn dawn a ni.

A kalkawngah hian tlang kalkhan (pass) hriat hlawh tak tak panga a paltlang a ngai dawn a. Manali, Himachal Pradesh hi September 26 chawhnu lamah a thlen beisei a ni.

“He thil hi ‘Swarnim Vijay Varsh’ lawmna pakhat leh 195th Gunners’ Day denchhena tih a ni pakhat,” tiin thupuangtu chuan a sawi.

India hian ‘Swarnim Vijay Varsh’ hi kum 1971-a Pakistan nen an indo tuma hnehna a chan kum 50-na puala a lawm a ni.