ZALEN, Apr. 18, 2026: Mizo Academy of Letters (MAL) chuan kum 2025 chhunga Mizo tawnga chhuak lehkhabu tha ber, Book of the Year 2025 atan Lalrammawia Ngente ziah, ‘Kham leh Suar’ tih an thlang.

Book of the Year 2025 lawmman hi Ningani hian Thu leh Hla Inpui, MAL din champha lawmna, I&PR Auditorium-a neih turah Art & Culture Department Director Carol VLMS Dawngkimi’n a hlan ang.

Lalrammawia Ngente hian ‘Rintei Zunleng’ tih a thawnthu ziah hmangin 2009 Book of the Year chawimawina hi a lo dawng tawh a. B.Lalthangliana leh Lalhruaitluanga Chawngte te dawta kum 1989 atanga chawimawina hlan tan dawng thei pahnihna a ni ta a ni.

‘Kham leh Suar’ hi Kristian emaw, social emaw thawnthu huanga khung thei a ni a. Mi pakhat thil tawna hmeichhe pathum chanchin tar lanna niin Pathian atanga chhuak hmangaihna chuan a tuam dam leh thei tih tar lanna a ni.