Ben Jacob-a sawi danin Cristiano Ronaldo chuan a khelh mekna Manchester United a chhuahsan theihna a nih dawn chuan, tuna a hlawh mek aia 30% a hniam lak pawh a hreh lo niin a sawi. 

Cristiano hian a chhuahsan tawh Madrid, Spain lamah kir leh a duh nia sawi a awm a, mahse  a khelhna thin Real Madrid nilovin Atletico Madrid lam zawk niin sawi a ni. Mahse, a chhuah duhna club lam erawhin an uk-sak vak lo niin an sawi thung. Amah Ronaldo hian Atletico lam hi awn deuh mah se Atletico lamah erawh CR7 hi a lar teh chiam lo a niawm e. 

Atletico lam hi tun dinhmunah sum an khawk rih hle a, an hmelma hlun Ronaldo hi lak duh mahse an la thei kher pawhin a rinawm loh. Chutihrualin, Atletico lama a lut lo a nih pawhin Real Madrid lamah erawh a lut tawh kherin a rinawm loh bawk. Barcelona lam pawh kum 37 mi la tur hian an zawrh a, mahse Ronaldo aiah hian Robert Lewandowski chu an lalut thung a ni.

Cristiano hi a upat ve tawh avangin tunhma lam angin a hralh a tla lutuk tawh lo naa goal thun erawh a la thiam hle thung a, Season liam ta khan team nasa lo tak United tan Premier League-ah khelin goal khung tam ber niin goal 18 zet a thun a ni.