Manchester United neitupa Glazer chuan, fan te chu an club kal zel dan tur ngaihtuahhona tura sawmin, in thu au chhuahpui te chu club an hmangaih vang nia a hriat thu a sawi. 

Co-chairman pawhin Old Trafford-a lungawi lohna lantir a nih hnu khan supporter te nen inpawh tlang zawka inkawm khawmna hun neih thaa a rin thu a sawi ve bawk. Joel Glazer chuan Manchester United supporter aiawh te hnen atanga open letter an dawn chu a chhang tawh a, club chu changtlung leh tha zawka kalpui a nih tur thu a sawi. An lehkhaah hian Glazer family te chu fans te nena inpawh zawka khawsak zir tura an duh thu an thailang a ni. 

Glazer chuan,"April 30-a Manchester United fan aiawh te lehkha kha ngun takin ka chhiar a, club in hmangaihna leh in inpekna a lang chiang hlein ka hria. Club leh fan ten inzawmna thuk zawk kan neih hi a pawimawh. ESL kan zawm vang khan in thinur tih kan hriatin pawi kan tiin kan tihsualah ngaihdamna kan dil a ni," a ti.