Manchester United chuan pre-season duhawm tak an hmang chho mek a, an match hnuhnung berah Crystal Palace chu 3-1 in hneh leh. Anthony Martial a khel tha hle a, goal a thu. A ni bakah Rashford leh Sancho ten an thun bawk. 

Inkhelh tan a ni a, Crystal Palace pawh team tha tak an nih vangin chak zawk tur bik a hriat loh. Minute 9 an khel tihin United lamin an nawr a, Palace goalkeeper Jack Butland chuan Martial-a goal shot tha zet mai a save. Minute 8 hnuah Martial bawk rawn lang lehin Man Utd hmahruaina goal a rawn khung ta nge nge. Minute 20 naah Crystal Palace hmatawng Ebiowei-a shot chu De Gea'n a lo dan sak a, minute 36-naah Rashford-a goal shot chu goal mouth-ah a lut lo. 

Minute 41 ah Maguire-a'n goal a thun teuh hle a, Rashford-a hmangin Man Utd lamin an goal hnihna an thun a, 2-0 in Crystal Palace lakah hma an hruai ta. Sancho a rawn lang ve leh a, minute 58 naah Man Utd tana goal thumna a rawn thun a, 3-0 in hma an hruai. Minute 63 naah Palace striker Jean-Philippe Mateta chuan a ti goal ve a, mahse a lo offside hlauh vangin goal-ah an pawm sak lo. A hnu minute 10-ah Ward-a hmangin Crystal Palace chuan goal an thun ve hram a, 3-1 a ni ta. 

He inkhelhah hian Anthony Martial-a che vel chu a hmuhnawm hle a, goal a thun bakah midang a siam sak nghe nghe. United hian an pre-season hi an hmang tha hle a, an player te pawh an khel a hmuhnawm thei hle a ni. Crystal Palace an hneh hma hian Melbourne Victory leh Liverpool te lo hmachhawn tawhin an ni pawh hi an lo hneh tawh a ni.

Diogo Dalot leh Tyrell Malacia te pawh an khel chhe hran lo va, Marcus Rashford te nena an in pass kual vel kha Premier League lamah pawh kan hmu ngei turah ngai ang. 

Manchester United hian July ni 23 khian Aston Villa an hmachhawn leh ang. Crystal Palace hian Gillingham chu Priestfield-ah an hmachhawn thung ang. 

Line-ups
Man Utd XI: De Gea, Lindelof, Maguire, Fred, Martial, Bruno Fernandes, Dalot, Rashford, Sancho, McTominay, T. Malacia
Subs: Heaton, Alex Telles, Shaw, Bailly, Van de Beek, Wan-Bissaka, Chong, F. Pellistri, Kovar, H. Mejbri, Laird, A. Elanga, W. Fish, Alejandro Garnacho, Amad Diallo Traore, Z. Iqbal, C. Savage

Crystal Palace XI: Ward, Clyne, Milivojevic, Jordan Ayew, J. Butland, Andersen, J. Mateta, M. Ebiowei, T. Mitchell, K. Phillips, Jesuran Rak-Sakyi
Subs: Guaita, R. Matthews, O. Édouard, Scott Banks, J. Raymond, R. Street, J. O´Brien, M. Boateng, V. Akinwale, Cardo Siddik, D. Quick, Tayo Adaramola, K. Rodney, D. Ozoh, A. Ola-Adebomi