Manipur-a helho lambunnaah AR CO, a nupui, an fapa leh sipai pali thi

Admin - Nov 14, 2021

China, Myanmar, Bangladesh leh Bhutan nena inrina velah an awm reng

hel tamna manipur

Manipur hi India hmarchhaka state dangte ang bawkin hel pawl tamna a ni a, heng mite hian mahnia ro inrel hran leh sorkar kal dan an do thin a. Kum tam tak kal ta atang khan sipaite chhawp reng a ni tawh a, China, Myanmar, Bangladesh leh Bhutan nena inrina velah an awm reng.

Kum 2015 khan Manipur-ah tho hian helhovin sipai lambunin 20 an that a, sipaiten phuba lain an camp an luhchhuah zui bawk.

Assam Rifles hi paramilitary force niin Army thununna hnuaiah hmarchhaka hel pawl laka beihpui thlaktute an ni a, home ministry kaihhruaina hnuaia awm an ni a. Sorkar laipui hnuaia ram chhunga himna a awmna tura thawk nasa tak an ni.

Assam Rifles Colonel, a nupui leh an fapa kum riat mi bakah sipai pali chu Inrinnia Myanmar nena inrina bul, Manipur-a lambun naah thah an ni.

Churachandpur district-a thil thleng hi chawhma dar 11 vela thleng niin tun hnaiah chuan inbeihna rapthlak ber a tling.

46 Assam Rifles Commanding Officer Colonel Viplav Tripathi-a hi ramri hnaiha camp awmte tlawha chhuak niin Inrinnia a lo let leh lam chu a hotute nen hian lambun an ni.

“Sipai panga, Colonel Viplav Tripathi, 46 Assam Rifles Commanding Officer telin, hna an thawh laia thah an ni aCommanding Officer chhungte, a nupui leh an fapa a thi bawk a. DG leh Assam Rifles sipai zawng zawngten sipai huaisente leh an chhungte hi kan ui hle a ni,” tiin Assam Rifles chuan an thuchhuah siamah an tar lang.

Manipur-a inkulh, People’s Liberation Army (PLA) he lambunna thlentua ngaih an ni a; mahse, police chuan a titua inchhal tumah an la awm loh thu an sawi.

Tun tum hi helai district-a hmun kilkhawr taka civil mi lambunnaa thah an nih vawi khatna a ni a. A hmun hi khaw kilkhawr tak, Churachandpur atanga km 50 vela hla a ni.

Defence Minister Rajnath Singh chuan beihna thleng a dem thu leh thite a ui thu a sawi a. “Dawihzep taka Churachandpur, Manipur -a Assam Rifles convoy beih an ni hi a hrehawm a, ka dem hle a ni. Ramin sipai huaisen panga, CO 46 AR leh a chhungte pahnih a chân a. Thi chhungte kan tawrhpuiin a titute chungah dikna hlen chhuah a ni ngei ang,” tiin Twitter-ah a tar lang.

Manipur Chief Minister N Biren Singh pawhin mi firfiakte bei zui turin an thawh chhuah nghal thu a sawi bawk.

Share now