ZALEN August 31, 2023 : Khosabung-a Thawhlehni atanga inkahna kal zelah vawiin khan Manipur-a zohnahthlak te khua Lonphai, Kangvai leh Sugnu te chu beih an ni a, inkahna avang hian Lamka district chhungah emergency puan nghal a ni. Mi pakhatin nunna a chan tawh.

Inkahna avang hian mi pakhat in nunna a chan tawh a ni. Hliam hi a zat chiah a hriat lo a, inkahna avang hian nimin leh vawiinah mi pariat velin hliam an tuar niin thu dawn a ni.

Khosabung bikah hian Thawhlehni zing atang khan an inkap tan niin thu dawn a ni a, vawiin thleng hian silai ri hi a la reh lo a, inkahna nasat na ber Khousabung-ah hian volunteer te pui turin zohnahthlak ten an pan khawm a ni.

Emergency puan hian tul bik thil a duty, medical, police tui leh electric buaipuitu te leh press mi te chu a huam lo.