DOWNLOAD OUR APP

Read latest news on your phone
app-store

Mariupol khawpui tawrhna a na

Mar 06, 2022

Mariupol atang hian bus leh mi mal lirthei hmangin mi 9,000 vel zet an chhuah rin a ni tih Orlov chuan a sawi a. Rel erawh chu a kawng tihchhiat a nih tawh avangin hman theih a ni lo. Russia hian an chak lâkna an danchah vek tawh avangin mi chengte hian chaw, tui leh damdawi an mamawh tak zet tawh niin thuneitute chuan an sawi.

Zirtawpni tuk atang khan Ukraine chhimchhak, Mariupol-a chengte leh khawpui te zawk, Volnovakha-a chengte chuan hmar lam pana insaseng an tum.

Mariupol atang hian bus leh mi mal lirthei hmangin mi 9,000 vel zet an chhuah rin a ni tih Orlov chuan a sawi a. Rel erawh chu a kawng tihchhiat a nih tawh avangin hman theih a ni lo.

Russia hian an chak lâkna an danchah vek tawh avangin mi chengte hian chaw, tui leh damdawi an mamawh tak zet tawh niin thuneitute chuan an sawi.

Zirtawpni khan International Community of the Red Cross chuan Mariupol leh Ukrainian khawpui danga thil thleng chu a lungchhiatthlak tih an sawi a, ‘buaina chhuah lohna hmuna mipuite an chhuah theih nana inbiak a tul tak zet’ tih an sawi.

Mihring 4,00,000 vel chenna, lawngchawlhna khawpui, Mariupol hi Russia-in Ukraine a rûn atanga lak an tum ber pakhat a ni a, an la a nih chuan a hma zawnga an lo thlawp thin, Ukraine khawchhak lama inlak hran tum pawl sipaiten an puihna tura an kalkawng tur a inhawng thei dawn a ni.

Ukraine sipaite chuan hun eng emaw chen an thunun a; mahse, Russia hian thlawhna hmangin mihring chenna an kah hnuah tui, power leh thil dang ni li zet an tlachham tawh.

Volnovakha hi Mariupol leh Russia-in a thunun, Donetsk inkara awm niin Russia-in a beih nasat avangin a chhe hle tawh.

Mi 25,000 vel chennaah hian in awm thin 90% vel zet a chhe tawh niin an sawi.

Share now