Aizawl: MNF Legislature party chuan sawrkar tha leh rintlak, mawhphurhna la ngam sawrkar din turin Zoram mipuite an sawm. Nimin khan Aizawl Press Club-ah thuthar lakhawmtu te kawmin an hruaitu Vanlalzawma MLA chuan, “Thil tha leh thil lawmawm lam a thlen chauhva hmingthat lak tum, mipui ten hun harsa kan tawh changa tlanchhe leh si sawrkar hi paihthla ngam turin mipuite kan ngen a. Corruption do ngam, mipui kuta thuneihna sang tak hlan tum, SEDP hmanga mipuite dinchhuahna tur kawng sial tur, Zoram hmasawnna mut mawh hnar mawha lo nei tawh thin MNF hi vote vek turin mipuite kan sawm a ni,” a ti. Lalruatkima MLA pawhin BJP thawhpuia CADC a sawrkar siampuitu awm chhun chu Congress a ni tih sawiin, “Mizorama sawrkar nghet tha tak a din theih nan leh Congress paihthla a, BJP inrawlh tumna kawng dal turin MNF hneh taka thlang tling turin Mizoram mipuite kan ngen  a ni,” a ti bawk. MNF Legislature Party hruaitute chuan Central Sector Scheme Scheme of Assistance for Prevention of Alcoholism and Substance (Drug) Abuse kalpui an tum tih an sawi a, an sawrkar chuan sikul tan hun ennawn an tum dawn niin an sawi bawk.