Gospel singer Mawitei Ralte chuan pasal a nei ve leh dawn ta - kumin zet chu milar, a bikin hmeichhe lam pasal neih uar kum a ni ringawt mai! Mawitei pasal tur hi Chanmari veng tlangval Kevin Malsawmtluanga a ni a, May 12, 2022 khian Chanmari Corps-ah dan khatnain an innei dawn a ni. Kevina leh Mawitei hi kum eng emaw zat an lo inzui tawh a, tunah chuan 'tiam tlat e' tih zai an rel ve ta a ni. 

Kumin hi milar nupui pasal nei an tam ta hle a, a bikin hmeichhe lamin an uar zual - Fiona Pachuau leh Hlimhlimi  te hnung zuiin Mawitei pawn khiang awih zai a rel ve ta - Zalen chanchinbu chuan thinlung takin kan lawmpui e.