LPS Promotions leh K & P Entertainment chuan professional boxing, 'Clash of the Star' an buatsaih dawn a, he hunah hian Mizo rapper lar G'nie leh lemchan thiam Papuia Pachuau te an inhmachhawn dawn.

'Clash of the Star' hi May 14, 2022 Inrinni zanah Dawrpui Multipurpose Centre-ah neih a ni dawn a, Mizo boxer te leh Manipur boxer te inhnek tur ai maha boruak nei lian zawk chu G'nie leh Papuia Pachuau inhnek tur hi a ni. An rih zawng leh san zawng lamah an buai lo a, boxing ring chhunga inhnek chu an duh ber a ni - boxing hmuhnawm tak lantir theih an inbeisei bawk. 

Training pawh ngawrh takin an kalpui a, chak loh zawk nih an duh dawn loh avangin a hmuhnawm ang. An inbuatsaihna video thenkhat pawh hmuh tur a awm a, May 14 zanah tunge glove hmang thiam zawk tih chu hriat theihin a awm dawn e.