DOWNLOAD OUR APP

Read latest news on your phone
app-store

May 29-ah Awkin Thla lem pum dawn

May 12, 2021

Kumina Lunar Eclipse hmasaber tur chu

Kumina Awkin Thla a lem hmasakber tur chu May 26 hian a thleng dawn a. Tun tuma Lunar Eclipse (Awkin thla a lem) thlen hun ah hian thla pum (Full Moon) hian Khawvel hlim (shadow) chu a paltlang dawn a ni. Tun hi January 21, 2019 hnua Awkin thla a lem pumhlum leh hmasakber tur a ni ang. 

Lunar Eclipse pumhlum a thlen hian thla hi a sen phuut thin avangin Blood Moon tia sawi thin a, hetihlai hian thla hi serthlum rawng senduk angin a sen rum thin a ni. 

Supermoon tia sawi a ni bawk a, a chhanchu he hun a thlen hian thla hi Full Moon pangngai aiin a lang lian thin a ni.

First Lunar Eclipse 2021 tur chu

May 26 zanah, Full Moon hian Khawvel a hnaih ber tum a thleng ang.

Thla hi a hma aiin a lang lian dawn a, a sen rum ang.

Australia a cheng te, United States khawthlang lama cheng thenkhat te, South Amerca khawthlang lama cheng leh South-East Asia lama cheng ten Super Blood Moon hi an hmu thei dawn a ni.

Fool Moon hian thla hlim a pelh chhung hi eclipse pum hlum a thlen pui rualin, a rei dawn lo a, minute 15 pawh a paltlang chhung hian a awh tling lo tura ngaih a ni.

2021 hian eclipse engzat nge kan hmuh ang?

A tlangpuiin kum khatah hian eclipse hi tum li atanga tum sarih a thleng thin a. A thenah hi chuan a pumhlum a, a chang hi chuan a then lai chiah te Awkin thla a lem emaw, Awkin ni emaw hi a lem thin. Thla bial hian khawvel hmun tinah a mi cheng te a zirin hming erawh a nei hran thin.

Kumina eclipse thlen ni tur

May 26 : Total Lunar Eclipse
June 10 : Annular Solar Eclipse
November 19 : Partial Lunar Eclipse
December 4 : Total Solar Eclipse

Thil hriat mai mai tur chu Solar Eclipse (Awkin Ni a lem) leh Lunar Eclipse (Awkin Thla a lem) te hi hriat pawlh loh tur. Solar Eclipse-ah chuan Ni satna a chuai a, Lunar Eclipse-ah chuan Thla eng a chuai ve thung.

Share now