Zuali Chhangte leh Rintluanga G te channa Mizo movie sereis 'Boss Amanda Damdawi In' chu May 3, 2022 atangin tihchhuah a ni dawn ta. 

He sereis ah hian season 1 leh 2 a awm dawn a, season khatah hian episode 3 a awm ang. Season 1 hi May 3 atangin a chhuak ang a, kar khat hnuah season 2-in a chhunzawm leh ang. Season 2-ah hian episode 3 bawk a awm leh dawn a, Runmawi App-ah en theih a ni ang. 

'Boss Amanda Damdawi In' hi Mawitea Hauchhum (RDS SHOTS) film siam hmasak ber a ni a, en chakawm tawh tak a ni. A story a ngaihnawmin a changtute pawh an thiam em em a, en man hla tur tak a ni. Thawhthu ziak thiam hmingthang Toni Ralte thuziak 'Boss Amanda' behchhana siam a ni ih hriat tel a tha awm e.