Aizawl: Aizawl Municial Corporation Mayor Lalrinenga Sailo chuan krismas leh kum thar hunpuiah Aizawl mipuite chu plastic hmang lo turin a ngen a, faina kawngah Aizawl mipui hmasawnna a fak.

Mayor chuan Aizawl mipui zawng zawngte, krismas leh kumthar chibai a buk a. “Krismas leh kumthar kan hmanah hian bawlhhlawh tawih thei leh thei lote thliar a, a paihna hmuna paih zel turin kan inngen a. Single Use Plastic kan tih thleng, no fian leh fork ang chi, kan environment tichhe thei chi AMC-in a khap mekte hmang lo turin kan inngen a ni,” a ti.

Hunpui hmanah faina kawnga AMC hmalaknaah tawiawm zel turin mipui a ngen bawk.

Lalrinenga Sailo chuan, “Kum lo thar turah pawh hian AMC chuan faina kawngah hma a la zel dawn a, hemi kawngah pawh hian bawlhhlawh tawih thei leh thei lote fel taka thliar a, a paihna hmuna paih zel turin ka inngen a ni,” a ti bawk.