December 18, 2023; Lalropuia, President Mamit District Village Council Association (MDVCA) chuan vawiin khan Lalduhoma, Chief Minister hmu in lawmpuina hlan in, Mizoram tana a thawh zelna turah duhsakna a hlan bawk a. Tin, Mamit District hmasawnna tura thil tul zual leh pawimawhte a thlen bawk.

Mapuia chuan Mamit District MLA Bial Pathumah ZPM Candidate te thlan tlin ni lo in opposition bial vek nimah ila Mamit District a MLA Pathumte ten inlungrual taka Mamit District hmasawnna tura thawkho turin a ngen a. Mamit District chu Aspirational District a nih avangin hmasawnna turin thawhhona tha a pawimawh avangin Lalduhoma chu pa ber chan changa theih tawp chhuahpui turin a ngen bawk a ni.

MDVCA President chuan heng thil pawimawh zualte hi a thlen a ni.

1. NH44A/108 kawngpui chu fur thlen hma ngeia siam zawh a nih theih nana chak taka hmalakpui turin.

2. Power 132 KV Line Bairabi - W. Phaileng via Mamit chu siam zawh vat a nih theih nana leh tuna Forest Clearance vanga harsatna awm chu tih fel vat a nih theih nana hmalakpui turin.

3. Burma Kuhva tawlh ho in Mamit District an paltlang thin avanga Mizoram thar chhuah Kuhva hralhna lamah harsatna a awm thin leh a rate hniam taka hralh a ngai thin chu rang taka hmalakpui turin a ngen a. A bik takin Hachhek area a Kuhva chingtuten an thawhrah leh phu anga Burma Kuhva vanga hlawkna an tel thei thin lo chu Kuthnathawktute tan thil pawi tak a nih avangin hma laksak turin a ngen bawk.

4. Bangladesh leh Mizoram (India) insumdawn tawnna tha zawk a awm theih nan sawrkar hmasa in an hmalak tawhna rang taka chhunzawm tur leh changtlung zawk a insawmdawn tawnna a awm theih nana hmalak sak turin leh chumi atana pawimawh tak Dapchhuah - Silsury kawngpui siamtha vat turin.

5. District Hospital Mamit khum 100 awmna building September 2023 a hawn tawh tun thleng a luah luh ala nilo leh hmanrua engmah dah la awm lo chu mipuiten a nihna tur ang taka an chhawr theih nana rang taka hmalakpui turin a ngen bawk.

Chief Minister chuan Mamit District hmasawnna tura theih tawp chhuah a nih zel dawn thu in alo chhang a ni