DOWNLOAD OUR APP

Read latest news on your phone
app-store

Messi leh a pawl ten CONMEBOL-UEFA Cup nomawi an chawi

Jan 01, 1970

Inter striker Lautaro Martinez chuan goal khat a thun bakah Juventus lamin lak tuma an hel mek Angel Di Maria tan goal a siam sak bawk. Hun tawp dawnah Paulo Dybala chuan goal thumna a thun ve leh. He goal thum hmang hian nuamsa takin Wembley Stadium-ah Argentina chu Italy lakah si thum faia chakin Finalissima nomawi an chawi.

Inter striker Lautaro Martinez chuan goal khat a thun bakah Juventus lamin lak tuma an hel mek Angel Di Maria tan goal a siam sak bawk. Hun tawp dawnah Paulo Dybala chuan goal thumna a thun ve leh. He goal thum hmang hian nuamsa takin Wembley Stadium-ah Argentina chu Italy lakah si thum faia chakin Finalissima nomawi an chawi. 

European leh South American Champion inkhelh hi a tum thumna chauh a ni a, 1985 khan France chakin 1993 khan Argentina bawk hi an lo chak tawh a ni. Azzurri lamah hian an player pawimawh tel lo an awm nual a, chungte chu Lorenzo Insigne, Ciro Immobile, Federico Chiesa, Domenico Berardi, Marco Verratti, Rafael Toloi leh Nicolò Zanetti te an ni. Chutih laiin Italy ram tana vawi 117 a inlanna leh a hnuhnung ber turin Giorgio Chiellini a inlan thung a, EURO 2020 trophy an chawi hnu kum a vei hnua Wembley Stadium lama a inlan lehna hmasa ber a ni bawk. 

Stadium chhunga entu mipui 90,000 zinga a tam zawk chu Seleccion (Argentina) tantu an ni. Argentina hi tunah game 32 chakloh nei lovin an kal tluang mek a, calendar year thum zet chu hneh loh an tawng tawh lo.

Goal khung chiah lo mah se he inkhelhah hian Messi chu player langsar ber a ni. Argentina hmahruaina goal Lautaro Martinez a thun leh goal hnuhnung ber Dybala thun te kha a thawh rah liau liau an ni. Argentina captain Lionel Messi-a international trophy pahnih chawina Finalissima-ah hian Man of the Match atana thlan a ni nghe nghe. 

An player tha kim lohna Italy team hi an khel tha tawl lova, World Cup chawi tuma inbuatsaih Argentina lam hian inkhel thunun hneh hle a, first half-ah Lautaro leh Di Maria te goal hnih hmangin hma an hruaia, second-half hun tawp dawnah Dybala hmangin goal khat an thun belh.

Goal hmasa ber hi Messi-a'n box chhung veilam atanga a pass chhuah niin Inter Milan striker Martinez-a'n minute 27-ah mawi takin goal-ah a chantir. Half-time hma lawk minute 46-ah Argentina hian an goal hnihna Di Maria hmangin an khung leh a, he goal hi goal hmasa khungtu Martinez-a siak a ni thung. Second half-ah Argentina lam hian an nawr chhunzawm reng a, Messi-a pawhin tih goal theihna huntha nei mahse goal a thun thei lo thung. Hun tawp dawn hnai minute 93-ah bench atanga rawn lut Dybala chuan Messi-a assist tha tak hmangin goal mawi tak a thun ve leh a, si thum faiin Copa America Champion chuan Euro champion an hneh a ni.

Line-ups
Italy XI: Bonucci, Chiellini, Jorginho, Emerson, Di Lorenzo, Belotti, Bernardeschi, Pessina, Barella, Donnarumma, G. Raspadori
Subs: Acerbi, A. Cragno, Spinazzola, Florenzi, Cristante, Politano, Lazzari, Meret, Locatelli, Pellegrini, Scamacca, Bastoni

Argentina XI: Messi, Di Maria, Otamendi, E. Martinez, Tagliafico, De Paul, G. Rodriguez, Lo Celso, Lautaro, G. Montiel, Romero
Subs: Gomez, F. Armani, G. Rulli, Pezzella, Acuna, Dybala, E. Palacios, N. Gonzalez, Foyth, Mac Allister, Martinez, J. Álvarez

Share now