Pre-season khelin Paris Saint Germain chu Japan lamah an cham mek a, nimin lam khan Janpan club Kawasaki Frontale nen inhmachhawnin 2-1 in an chak. He inkhelhah hian PSG tan Messi leh Muinga te goal an khung.

Inkhelh tan a ni a, Pre-season mah nise entu an thahnem hle a, PSG star rualin an khelh bawk vangin entu lam pawh an phur hle. Minute 9 chiah an la khel tihin Neymar-a chuan goal a shot a, Kawasaki Frontale keeper Jung chuan a lo dan sak. Minute 15-naah Neymar bawk rawn lang lehin bar a pet khum a, minute khat hnu lekah Marcinho-a'n goal sir lamah a chhuih chuak leh bawk. 

Mbappe-a goal shot Jung-a'n a lo dan hnu lawkah PSG tan Messi-a'n an goal khatna a khung a, Kawasaki Frontale 0-1 PSG a ni. Minute 48-naah Chinen chuan bar khum chiahin a pek leh a, Frontale tan Seko long shot tha zet chu Donnarumma an a lo dan sak. 

Second-half an khelh atanga minute 12-naah Muinga hmangin PSG lamin an goal hnihna an thun a, hun tawp dawn minute 83-ah K. Yamamura chuan Kawasaki Frontale tan goal a khung a, 1-2 a ni. Hun tawp thlengin goal a luh belh lo. 

Line-ups
Kawasaki Frontale XI: A. Ienaga, Jung Sung-Ryong, K. Noborizato, Leandro Damião, C. Songkrasin, Jesiel, S. Kurumaya, Marcinho, D. Tono, K. Tachibanada, Asahi Sasaki
Subs: K. Tanno, K. Yamamura, Y. Kobayashi, Schmidt, K. Kozuka, K. Chinen, R. Matsui, T. Seko, T. Miyagi, Kota Takai, Taiyo Igarashi, Takatora Einaga

PSG XI: Messi, Ramos, Gueye, Neymar, Marquinhos, Kimpembe, Mbappe, Donnarumma, Hakimi, Vitinha, Nuno Mendes
Subs: Sarabia, A. Letellier, Danilo Pereira, Rico, Bernat, Icardi, Kehrer, Diallo, E. Ebimbe, Muinga, Warren Zaire-Emery